A Selección Galega de Loitas Olímpicas parte este xoves cara o CAMPIONATO DE ESPAÑA Sénior e Cadete

A localidade de San Javier (Murcia), acolle este fin de semana o Campionato de España de Loitas Olímpicas nas categorías sénior e cadete, tanto de loita masculina como de feminina. Durante os días 10, 11 e 12 a selección Galega tratará de revalidar os títulos obtidos durante o ano pasado.

Galicia parte como favorita en tódalas modalidades en liza: Loita Libre Olímpica, Loita Grecorromana e Loita Libre Feminina. Cunha expedición con 50 integrantes, é unha das comunidades con maior representación deportiva neste campionato.

Temos que ter en conta, que unha das categorías mais disputadas vai a ser a absoluta, que conformará o equipo nacional para participar no Cto. De Europa e torneos preolímpicos da modalidade. Neste apartado temos que facer mención especial os deportistas Jose Cuba (120kg) e Jose Luis Puentes (84kg), ambos do Club de Loitas Olímpicas de Vilalba, así como a Eder Villanueva (96kg) do Club Castro de Vigo, todos eles convocados coa selección Española durante o ano 2011 e 2012. Tampouco podemos esquecer o resto dos integrantes de esta selección absoluta, todos eles con gran proxección nacional e internacional.

O equipo feminino, liderado en maior medida polas deportistas do Club San Ignacio de Vigo, tratarán de subirse o podio nacional por clubs, algo impensable tan só fai un par de anos.

En canto a categoría cadete, as esperanzas de obter bos resultados son moi altas, xa que a base de este equipo fórmana o grupo de adestramento do CGTD de Pontevedra, onde os deportistas permanecen concentrados todo o ano.

Por último sinalar que na mañá do domingo, terá lugar o Campionato de España Universitario, competición na que acudirán 3 representantes da Universidade de Vigo, quedando Miguel Masciopinto, actual campión de España Universitario en 66kg, na casa por unha lesión de xeonllo.

seleccion-galega-de-loita2011

Competicións, Novas |

O 5º Posto de JOSE CUBA, o mellor resultado da Selección Nacional no Torneo DAN KOLOV de Bulgaria

Jose Cuba Vázquez (Club de Loitas Olímpicas de Vilalba), tras a concentración internacional das pasadas semanas, acadou este pasado domingo o 5º posto nun dos torneos internacionais mais duros do circuito. Mala sorte para Jose Luis Puentes.

Jose Cuba debutou no torneo contra loitador Antoine Jaoude, da selección brasileira de loitas olímpicas, o que venceu con clara superioridade, abríndose paso ata a seguinte rolda. Sendo neste cruce contra o Búlgaro Dimitar Kumchev, cando quedaría afastado da final, cedeu o combate por 1-3, 3-7, comezando moi ben en cada asalto, gañando puntos, pero non foi suficiente para garantir o acceso a final. Na loita polo bronce, caeu ante Ruslan Basiev (Armenia), por un dobre 3-0.

cuba_dankolov

O outro representante Galego neste torneo, foi Jose Luís Puentes, tamén do Club de Loitas Olímpicas de Vilalba, que foi apeado da competición polo Francés Marczinnski Stephane, por un dobre 2-0.

Tan só o deportista Balear Francisco Sánchez, foi quen de acadar o 5º posto na categoría de 55kg, igualando o resultado de Jose Cuba. Mala sorte no primeiro enfrontamento para o resto dos deportistas desprazados a Bulgaria coa Selección Nacional.

Agora, ambos, retidos aínda en Bulgaria pola tremenda nevarada, teñen a vista posta no Campionatos de España Absoluto de Loitas Olímpicas, que terá lugar este próximo sábado día 11 de Febreiro en San Javier (Murcia).

Competicións, Novas |

Éxito de participación no CAMPIONATO GALEGO de LOITAS OLÍMPICAS

Un cento de deportistas buscaban no Pavillón Universitario dos deportes de Pontevedra, este pasado sábado, proclamarse campións Galegos de Loitas Olímpicas, e o acceso os Campionatos de España da categoría.

O campionato Galego sénior e cadete de Loitas Olímpicas, foi unha auténtica festa do deporte, con 122 combates disputados na xornada de mañá, serviron para amosar o aumento significativo do numero de participantes e do nivel dos mesmos. Os mellores clubs deportivos de Galicia, enfrontáronse para avaliar todo o traballo desenrolado o longo da pretempada, dando así comezo as citas deportivas deste ano 2012.

O campionato pódese ver en diferido gracias á colaboración de 

Arena Directo

que restransmitiu o evento en directo.

Tras a disputa do campionato, premiáronse os mellores deportistas masculinos e femininos da competición, recaendo estes galardóns en:

-    Mellor deportista sénior masculino: Pablo García, do Club de Loita Pontevedra.
-    Mellor deportista sénior feminina: Sara Vieitez, do Club San Ignacio de Vigo.
-    Mellor deportista cadete masculino: Bruno Agra, da Escola Ayude de Melide.
-    Mellor deportista cadete feminina: Iris Lucía Cepeda, do Club Stellae de Santiago de Compostela.

En canto á clasificación final por clubs, o resumen dos resultados provisionais é o seguinte:

Clasificación por Clubs: Loita Libre Olímpica sénior:
1º Clasificado: Keltoi de Vila de Cruces.
2º Clasificado: San Ignacio de Vigo.
3º Clasificado: Club de Loitas Olímpicas de Vilalba.

Clasificación por Clubs: Loita Grecorromana sénior:
1º Clasificado: Keltoi de Vila de Cruces.
2º Clasificado: Club de Loitas Olímpicas de Vilalba.
3º Clasificado: San Ignacio de Vigo.

Clasificación por Clubs: Loita Libre Feminina sénior:
1º Clasificado: San Ignacio de Vigo.
2º Clasificado: Keltoi de Vila de Cruces.
3º Clasificado: Club de Loita Pontevedra.

Clasificación por Clubs: Loita Libre Olímpica cadete:
1º Clasificado: Club de Loita Pontevedra.
2º Clasificado: Club Sabaris de Baiona.
3º Clasificado: Club Keltoi de Vila de Cruces.

Clasificación por Clubs: Loita Grecorromana cadete:
1º Clasificado: Club de Loita Pontevedra.
2º Clasificado: Club Keltoi de Vila de Cruces.
3º Clasificado: Club Ciudad de Vigo.

Clasificación por Clubs: Loita Libre Feminina cadete *:
1º Clasificado: Club de Loita Pontevedra.
2º Clasificado: Club San Ignacio.
3º Clasificado: Club Keltoi de Vila de Cruces.

* Pendente de revisión.

Competicións, Novas |

O comezo da tempada coa cita mais dura: “TORNEO INTERNACIONAL DAN KOLOV”, Bulgaria

entrevista-cubaJose Cuba Vázquez (Club de Loitas Olímpicas de Vilalba), acaba de recibir a súa primeira convocatoria co equipo preolímpico. Do 23 de Xaneiro o 2 de Febreiro permanecerá concentrado na cidade Búlgara de Sofía, para competir no prestixioso “Torneo Internacional Dan Kolov” do 2 o 5 de Febreiro de 2012.

A preparación internacional do Loitador Chairego, Jose Cuba, toma forma pouco a pouco. Comezando con esta convocatoria para adestrar coa selección Búlgara de Loitas Olímpicas durante 10 días de xeito ininterrompido e rematar cunha das competicións mais duras e con mais concorrencia a nivel internacional, o “Torneo Internacional Dan Kolov”. Tan só 4 dos 7 deportistas que conforman o equipo nacional foron convocados a esta cita.

Nesta cita tratará de amosar o nivel acadado durante esta pretempada invernal no seu club de orixe, en Vilalba. A partir do traballo desenrolado durante estes últimos meses, terá que afinar a súa forma deportiva para chegar o mes de Abril nas mellores condicións posibles, para afrontar as citas mais importantes do ano.

cuba_vs_irani

Con esta convocatoria, participará no campionato Galego de Loitas Olímpicas o día 21 de Xaneiro en Pontevedra, antes de partir coa Selección Nacional. O Campionato Galego de Loitas Olímpicas servirá como primeira pedra de toque para meterse de cheo no circuíto internacional.

A convocatoria deixa fora desta competición a dous deportistas nacionais e ó vigués Eder Villanueva, actual campión de España da categoría de menos de 96 Kg, por precaución, debido a unha lesión nas costas que non lle impedirá estar recuperado de cara o campionato de España, que será en Murcia dentro de tres semanas.

Competicións, Novas |

Pontevedra acolle este Sábado o Campionato Galego de Loitas Olímpicas

A cidade do Lérez, acolle este sábado 21 no pavillón Universitario dos deportes en xornada de mañá, de 10:00 a 14:00 horas, o Campionato Galego de Loitas Olímpicas nas categorías sénior e cadete. As modalidades postas en liza son: Loita Libre Olímpica, Loita Grecorromana e Loita Libre Feminina.

A cidade de Pontevedra enmárcase como a capital das loitas olímpicas, neste principio de tempada, non só polo curso de adestrador nacional organizado no CGTD de Pontevedra, se non que tamén pola disputa da competición mais importante do ano, o campionato Galego sénior, que dará acceso o campionato de España, neste ano Olímpico.

campeonato_gallego_21ene

Os mellores deportistas galegos confirmaron a súa inscrición onte, último día para facelo. Xa que o campionato de España conformará o equipo preolímpico, moitos dos loitadores mais novos están traballando moi duro para acceder o mesmo.

Cunha inscrición de 17 equipos, representando ás 4 provincias, para participar nesta xornada final, e preto de un cento de deportistas, desenrolarase o campionato no Pavillón Universitario dos deportes de Pontevedra, e o acceso para o público será gratuíto.

Para os que non podan achegarse o pavillón, tamén poderán seguir o campionato online a través do seguinte enlace:

www.arenadirecto.com

O campionato pódese levar a cabo, grazas a inestimable colaboración do Concello de Pontevedra, do IMD de Pontevedra, da Secretaría Xeral para o Deporte e dos colaboradores e patrocinadores de este evento. Moitas grazas a todos pola vosa colaboración.

Actividades, Actividades en Pontevedra, Competicións, Novas |

Entrevista na Cadena Cope ós irmáns Villanueva

A continuación, podedes escoitar a entrevista realizada pola Cadena Cope ós irmáns Eder e Diego Villanueva.

Gracias a www.zonadelucha.com por cedernos a entrevista.

Novas |

O Loitador Vigués Eder Villanueva en TeleVigo

No seguinte vídeo podedes ver a entrevista ó loitador Eder Villanueva en TeleVigo. A partir dos 33 minutos, no tempo de deportes, tendes a entrevista ó deportista vigués.

Novas |

Entrevista a Jose Cuba en V Televisión

No seguinte vídeo pódese desfrutar da entrevista o noso deportista Jose Cuba, recollida no tempo de deportes do informativo de V Televisión (a partires do minuto 40).

Novas |

Convocatoria de Axudas ós Clubs da Secretaría Xeral para o Deporte

Xa está aberto o prazo para solicitar as axudas da Secretaría Xeral para o Deporte, destinadas ós clubs, para as actividades do ano  2011. O prazo de presentación remata o 25 de Xaneiro de 2012.

Podedes atopar toda a información e documentación necesaria no seguinte link:

Novas, Subvencións e axudas |

A Volta de Tunez: Sensacións de Traballo Ben Feito tras a Convocatoria coa Selección Nacional Sénior de Loitas Olímpicas

Jose Luis Puentes (Club de Loitas Olímpicas de Vilalba) e Eliseo Permuy (Club Keltoi de Vila de Cruces), chegaron este pasado domingo de Túnez, coa satisfacción do traballo ben feito, e de que están a cimentar a nova tempada con moito criterio deportivo.

Co obxectivo de triunfar no campionato de España do próximo ano 2012, que é de vital importancia para as aspiracións Olímpicas dos nosos deportistas, participaron en Túnez, Jose Luis Puentes (menos de 84kg) e Eliseo Permuy (menos de 60kg), convocados e concentrados coa Selección Nacional Absoluta de Loitas Olímpicas.

cto-mundo-loita

Agora de volta no CGTD de Pontevedra, valoraron moi positivamente a súa preparación no continente Africano. Agora continúan coa súa preparación baixo a batuta do seleccionador Galego e adestrador do CGTD de Pontevedra Don Alexandre Kachelaev, quen terá a difícil tarefa de clasificar no primeiro posto o maior número de deportistas Galegos no vindeiro Campionato de España, de Febreiro.

O gran esforzo económico que os seus Clubs de orixe, levaron a cabo para financiar parte dos gastos da viaxe, califican de extraordinario o aproveitamento dos recursos en relación o volume e a calidade do adestramento en Túnez.

Estes son os primeiros deportistas invitados a Túnez, tras o seu cambio político, o que facilitou o acceso as súas instalacións, tras asinar un convenio de cooperación entre ambos países.

Novas |

« Entradas antigas
Entradas recentes »