O Campionato das Sorpresas. España Pobre Bagaxe de Resultados

Rematou o Campionato do Mundo de Loitas Olímpicas en Istambul (Turquía), onde os loitadores Galegos, Jose Cuba (120kg) e Eder Villanueva (96kg), non tiveron sorte nos cruces de clasificación.

O equipo nacional de Loitas Olímpicas, que rematou a súa participación no Campionato do Mundo de Istambul (Turquía), non tivo unha competición doada. Nun campionato no que a loita polas medallas da acceso directo os XXOO de Londres 2012, tan só 6 deportistas por categoría de peso acadaron este obxectivo, moitos foron os deportistas que terán que buscar o pase Olímpico nas seguintes competicións.

No caso do loitador Vilalbés Jose Cuba, tivo que enfrontarse no primeiro combate contra o loitador Uzbeko: Artur Taymasov, actual campión do Mundo e Olímpico, quen fixo valer o seu estado de forma para gañar 7-0 e 5-0, pasando a seguinte rolda. De este xeito Jose Cuba, agardaba que o loitador Uzbeko chegase a final para loitar pola repesca, pero non foi así, e a postre nin sequera Taymasov loitou polas medallas. Rematando deste xeito tan ingrato a participación de Jose Cuba, con un 30º posto que non reflicte o seu nivel mundial.

No caso do loitador Vigués Eder Villanueva, a sorte tamén lle foi esquiva, enfrontándose o loitador Iraní: Reza Alí Yazdani, quen a postre se convertería no actual campión do mundo 2011. Eder foi quen de remontarlle un primeiro asalto cunha espectacular acción de 3 puntos, pero o Iraní non cedeu no final do asalto e encamiñou a súa marcha cara o ouro final, o que lle abriu as portas das repescas polas medallas a Eder. No primeiro combate das repescas, tivo que enfrontarse o Húngaro Gergely Sandor Kiss , nun combate duro acabou cedendo por un 5 - 0, 5 - 0. Eder tan só puido clasificarse no posto 33º, moi alonxado dos mellores do seu peso.

Competicións, Novas |