Vilalba 2009- 2ª Xornada da Liga Alevín de Competición Deportiva en Idade Escolar da Dirección Xeral para o Deporte

Xuño 3, 2009 – 10:51 am  

O 23 de Maio tivo lugar en Vilalba a 2ª Xornada da Liga Alevín. Nela participaron máis de 150 loitadores de clubes de toda Galicia  aínda que a asistencia de público non foi a de Baiona.  A clasificación final dos equipos nesta xornada foi a seguinte:

1. Ayude de Melide ( 110 ptos).
2. Vilalba (92 ptos).
3. Kuzushi de Vigo (82 ptos).
4. Sabarís de Baiona (75 ptos).
5. Castro de Vigo (71 ptos).
6. Keltoi de Vila de Cruces (56 ptos).
7. Pontevedra (42 ptos9.
8. Cidade de Vigo (39 ptos).
9. San Ignacio de Vigo (38 ptos).
10. Stellae de Santiago (30 ptos).

Queremos agradecer a colaboración do Concello de Vilalba que agasallou a tódolos participantes con camisetas  e material informativo desta preciosa vila.  Entre os participantes e público asistente sorteuse unha consola Wii Sport que o concelleiro de deportes Jesús Bermúdez entregou ao gañador.

A xornada final terá lugar o próximo 6 de Xuño en Melide e de aquí sairá o vencedor desta concurrida competición.