Éxito da Concentración de Verán de Loitas Olímpicas do CGTD de Pontevedra

Xullo 7, 2010 – 4:35 pm

Durante dúas semanas, un total de 40 deportistas, pasaron polo CGTD de Pontevedra, enmarcados dentro do programa Galego de Tecnificación deportiva. Todos estes deportistas, pertencentes a un total de 10 Clubs de toda Galicia, buscan unha continuidade na súa formación, e o acceso o CGTD, como internos becados, para o curso académico 2010-11.

Tódolos deportistas están a pasar unha serie de probas médico-deportivas, para avaliar a súa capacidade futura de rendemento deportivo, así como a súa capacidade volitiva e coordinativa.

Este ano a principal dificultade da avaliación dos deportistas, reside no nivel deportivo amosado por todos eles, xa que todos participaron en campionatos Galegos, obtendo bos resultados deportivos. E por riba de todo, temos un grupo reducido de deportistas campións de España nas categorías escolar e cadete, adestrándose nos seus respectivos clubs, o que fai que o seu marxe de mellora sexa moito maior que o dos deportistas que non acadan ese nivel nacional. O punto de partida tanto deportivo como académico é fundamental para acceder o CGTD, de este xeito, tan só os mellores deportistas pertencentes o grupo de traballo de Tecnificación, garanten a continuidade de resultados deportivos e académicos.

O traballo levado a cabo polos clubs, así como polos adestradores que dirixen os mesmos, dannos unha idea do enorme traballo e da aposta pola base de esta Federación.

Os responsables do CGTD de Pontevedra, Don Alexandre Kachelaev, Don Nicolás Castro e Don Ramón García, valoran moi positivamente o aluvión de novos deportistas, que queren acceder o CGTD de Pontevedra. “Agora podemos dicir que o traballo dos clubs, ten como referencia o acceso dos deportistas o CGTD. O nivel amosado por moitos deportistas, supera as expectativas que tiñamos nos mesmos, sorprendéndonos a rápida adaptación dos mais novos o traballo no centro. Ademáis, a horquilla de mellora que teñen moitos deportistas, supera con creces a de moitos dos mellores deportistas Galegos absolutos, cando tiñan a mesma idade que eles”, estas palabras dos responsables do CGTD e do programa de Tecnificación da Federación Galega de Loita e D.A. dannos unha moi boa impresión do potencial Galego de cara as vindeiras tempadas.