No seguinte documento vai a información sobre os días e horarios nos que se levará a cabo a matrícula no Centro Galego de Tecnificación Deportiva e no IES adxunto a él, o Sánchez Cantón. Tamén se informa da documentación necesaria para formalizala matrícula. Por tanto, os deportistas e as familias poden ir xa preparando toda a documentación, aínda que recordamos que a lista definitiva de admitidos sairá o mércores 8 de setembro.
Alexis Rodríguez, campión mundial en 1998 e bronce na Olimpiada de Sidney na categoría 120 kg, adestrará no clube de loita Vilalba ate o próximo 25 de Agosto para axudar á preparación de Jose Cuba de cara ao mundial de Setembro.
Alexis Rodríguez é o segundo deportista internacional convidado no marco das xornadas internacionais de adestramento en Vilalba, xornadas organizadas polo club vilalbés e subvencionadas pola Excma. Deputación de Lugo que comezaron hai un mes e medio coa presenza do ukraniano Sergey Priadum.
Na seguinte fotografía podemos ver a Jose Cuba loitando a final do Gran Premio de España 2008 contra Alexis Rodríguez.
Estas xornadas están abertas a todos os interesados que desexen adestrar en Vilalba durante estas datas, polo que o clube de loita Vilalba quere aproveitar para convidar a todos os clubes galegos a que se acheguen cos seus deportistas as instalacións do clube.
Para ampliar a información e contactar co clube de loita Vilalba pinchade no seguinte link:
http://loitaolimpicavilalba.blogspot.com/2010/08/alexis-rodriguez-nas-xornadas.html
A loitadora Viguesa Nerea Vila, rematou a súa primeira participación nun Campionato de Europa de Loitas Olímpicas celebrado en Sarajevo (Bosnia-Herzegovina), acadando o 17º posto, na categoría de menos de 56 kg. Este resultado é histórico, xa que estamos a falar da primeira muller Galega que participa nun campionatos continentais desta especialidade deportiva.
A falta de experiencia a nivel internacional, unido o nerviosismo pola responsabilidade da cita, e as expectativas da propia deportista, fixeron que Nerea non puidera render o 100 por 100. A calidade de esta deportista está moi por riba do seu resultado, pero nunha competición onde as favoritas cederon nas primeiras roldas, non aproveitou a ocasión para colarse entre as mellores do continente.
O sorteo foi desfavorable para Nerea, quedando no cadro mais difícil para acceder os postos de medalla. Na primeira rolda, Nerea enfrontouse a representante Moldava Rusu Ecaterina, cedendo en dous asaltos o pase a oitavos de final. Non puido repescar, xa que a que a postre sería a campiona de Europa da súa categoría a Ukraniana Kit Tetyana, venceu a Moldava, que loitaría polo bronce, cedendo este posto a Sueca Nilsson Ida. A principal favorita, a Rusa Shulgina Viktorya acabou no posto 14º, o que fai referencia do nivel das deportistas e da dificultade do evento.
Tan so desexarlle moita sorte a Nerea de cara a próxima tempada, na que estamos seguros que superará os grandes éxitos conseguidos nesta.
O día 30 de Jullo publicouse no DOGA a Convocatoria para que as entidades deportivas podan recibir axudas para adquisición de equipamentos deportivos.
O prazo para presentar a solicitude é dun mes, e para consultar o texto publicado pinchade aquí.
Nerea Vila, viguesa nacida no año 1993, actualmente é unha das mellores loitadoras galegas do momento. Este ano será o último no que compita na categoría cadete, categoría da que se despide por todo o alto, xa que participará coa selección española no campionato de Europa en Sarajevo do 3 ó 8 de agosto na categoría de 56kg.
Resumindo un pouco a sua traxectoria, entra no clube de loita San Ignacio a finales de 2006, xunto con Verónica Pérez e Sandra Boullosa. Son as tres primeiras dun grupo numeroso que na actualidade milita no clube. Seu físico, aparentemente sinxelo, ten unha gran fortaleza que se foi desenrrolando nestes 4 anos.
O ambiente no clube San Ignacio foille propicio para querer mellorar cada vez máis polo que, no ano 2008, xunto con Raquel Estévez, pasa a formar parte do selecto grupo de deportistas que adestran no Centro Galego de Tecnificación Deportiva (CGTD) de Pontevedra. Isto non foi un cambio fácil, xa que era a primeira vez que dúas loitadoras se adestraban neste centro, pero con moito esforzo, tanto Nerea coma Raquel acabaron adaptándose perfectamente á vida no centro.
Nerea Vila (bermello) e Karina Sanchez (Azul)
No ano 2008 conseguiuse coa selección cadete feminina traer para Galicia o Subcampeonato de España por rexions e no 2009 o clube San Ignacio proclamouse campiona de España por clubes na categoría cadete (feito histórico para a loita feminina en Galicia). Dous éxitos ós que Nerea Vila contribuiu xunto co resto das súas compañeiras de selección e clube. Ademáis, a nivel individual, este ano Nerea proclamouse subcampiona de España junior, tan só perdendo na final con Karina Sánchez, loitadora que actualmete é 5º do mundo na categoría junior.
Nerea vai enfrentarse, en pouco mais dunha semana, á competición máis dura e importante dende de practica a loita olímpica, o campionato de Europa, polo que lle desexámos moita sorte e dámoslle moito animo.
Selección Galega Junior Feminina 2010 (Judit, Nerea, Blanca, Eladio
Raquel, Jessica, Sara, Verónica)
Jose Cuba continua facendo historia na Loita Libre Olímpica, escribindo un resultado histórico na final do GOLDEN GRAN PRIX, celebrado na cidade de Bakú en Acerbaiján. Está a facer historia, non só por ser o primeiro loitador Español en clasificarse para esta final, se non por pasar dúas roldas nesta final.
Na sorte dos emparellamentos, a Jose Cuba encadrábano no posto 14, o que lle permitia librar os dezaseisavos de final, para colarse directamente nos oitavos de final. En esta segunda rolda a sorte fixo que se cruzara no seu camiño o loitador Aiall Lazarev (Kirguistán), o que venceu loitando ata o último segundo en tres asaltos co seguinte resultado: 2-1, 1-4, 0-6.
Tras comezar gañando, en cuartos de final, enfrontouse a Seyed Mohammadreza Azarshakiv de Irán, un loitador novo, pero que leva unha tempada envexable en canto a resultados. En este enfrontamento Jose Cuba cedeu no seu soño de loitar por un metal, quedando 0-3 e 0-4, o verse por baixo no marcador e arriscar, favoreceu o estilo de loita do Iraní, quen a contra non perdoa. Tras esta derrota, non puido loitar pola repesca, xa que esta sorte correría a cargo do seu verdugo, o iraní Azarshakiv, que a postre sería 5º.
Dos 17 finalistas clasificados para esta fase final, Jose Cuba logrou alcanzar a metade da táboa, o que lle da unha referencia real das súas posibilidades de cara o Campionato do Mundo que terá lugar en San Petesburgo (Rusia) na segunda semana de Setembro.
Durante esta época estival, moitos clubs da nosa xeografía aproveitan a ocasión para levar a cabo campamentos de verán, e así continuar coa actividade anual do club, enlazando o final do curso académico con actividades deportivas realizadas nos campamentos urbáns, clinics e campus de Loitas Olímpicas.
As primeiras actividades do verán leváronse a cabo na cidade de Lugo, onde o club de Loita Lugo en colaboración coa A.D. LUMIEIRA, participou nunha xornada con rapaces de entre 6 e 12 anos. Esta actividade levouse a cabo no pavillón do edificio de maxisterio de Lugo, resultando un éxito de participación.
Así mesmo o Club de Loita Lugo, participou nas actividades de verán organizadas polo Concello de Lugo, no pavillón da Casa do Deporte, nas instalacións de FRIGSA. As actividades estaban dirixidas a rapaces de entre 7 e 12 anos. Tódolos participantes podían simultanear as actividades de Loitas Olímpicas con outros xogos organizados polos monitores do campamento. En total participaron mais de 40 rapaces, calificándose como todo un éxito a organización do Concello e o desenvolvemento da actividade.
O Club de Loitas Olímpicas de Vilalba, participou nas actividades da Feria Medieval de Vilalba os días 10 e 11 de Xullo. Caracterizados para a ocasión, a participación de nenos e maiores atraídos pola novidade da actuación, e a inclusión dos mesmos nas exhibicións, provocou unha chamada inesperada, na que tódolos asistentes querían participar activamente de este evento.
O Campus de verán de Baiona, con unha duración de unha semana, en xornada de mañá, organizado polo Concello, ten un carácter mais aberto, xa que os rapaces e rapazas que participan en el, poden asistir as actividades de Loitas Olímpicas e a inclusión da BEACH WRESTLING, ou loita na praia, que dende a FILA (Federación Internacional de Loitas Asociadas), trata de difundir entre tódolos países afiliados. Con unha normativa moi sinxela, sen necesidade de ningún tipo de vestimenta específica, os rapaces e rapazas están a disfrutar do seu tempo de lecer practicando deportes atractivos e vinculados co medio natural.
Agardamos mais actividades o longo do verán.
Este fin de semana celebrouse en Madrid o “X GRAN PREMIO DE ESPAÑA DE LOITAS OLÍMPICAS”, no que participaron un total de 320 deportistas de 36 países diferentes. Coa selección nacional acudiron convocados 5 deportistas Galegos.
A mellor Clasificación Galega do torneo, correspondeulle o loitador Vilalbés Jose Cuba Vázquez (Club de Loita Vilalba), que acadou o 3º posto na categoría de menos de 120 kg, en Loita Libre Olímpica. Para acadar este resultado tivo que vencer a Nick Lane (Nueva Zelanda) por un contundente 9-0 no primeiro período e un 6-0 no segundo. Non correu a mesma sorte nos enfrontamentos con Nurzan Katayev (Kazajstán), que a postre acadaría a medalla de ouro da categoría, nin cos representantes da India e Hungría.
Pro outra banda, na categoría de menos de 60 kg, Eliseo Permuy Soto (Club Keltoi de Vila de Cruces), pagou cara a súa falta de experiencia, este loitador júnior mediuse o representante Francés B. Lawson, cedendo os dous primeiros asaltos e posteriormente atoparíase fora da repesca.
En canto os representantes en Loita Grecorromana, tanto Ramón García Sueiro (Club Keltoi de Vila de Cruces) en menos de 84 kg e Pablo García García (Club Saudade de Vigo) en menos de 66 kg, non superaron o seu primeiro enfrontamento. Pablo García cedeu ante o Finlandés Jarko Ala-Huikku, afastándose da carreira o podio e as repescas. Por outra banda Ramón García tamén tivo que enfrontarse o Finlandés Pekka Rintamaki, que acadaría o bronce da categoría.
Podedes ver un amplo resumo do campionato no seguinte enlace :
Estimados amigos, este xoves 8 de Xullo, a Federación Galega de Loita e D.A. e o Club de Loita Lugo, participaron no campaménto urbán da LUMIEIRA CUP de Lugo.
As actividades desenrolaronse durante a xornada de mañá, coa asistencia dun membro da Federación para dinamizar a sesión, e contando coa participación dos coordinadores da A.C.LUMIEIRA.
Cada vez mais administracións, entidades culturais e deportivas, contan coa presenza da Federación, para o desenrolo de actividades de todo tipo.
Este pasado martes 6 de Xullo, Jose Cuba foi entrevistado pola TVG. O interese mediático que desperta o deportista Vilalbés, increméntase polos resultados deportivos que acada, así como polos valores humanos que representa.
A sala do Club de Loita Vilalba, mudou para converterse nun improvisado plató televisivo, no que tanto Jose Cuba, como o seu adestrador Iván Castro, respostaron a tódalas preguntas formuladas polos periodístas, antes de levar a cabo o adestramento matinal, como é habitual na entidade, xa que dobran adestramentos tódolos días da semana, a excepción do domingo. No adestramento, tamén estaba presente Nicolás Castro, o deportista Galego mais laureado a nivel nacional e internacional, compartindo adestramento e sabiduría con Cuba.
Este tipo de actividades mediáticas, poñen de manifesto a importancia que está a coller as Loitas Olímpicas en Galicia, con nomes propios, e resultados deportivos xamais agardados polos mais optimistas.
Así que este fin de semana podemos ver a reportaxe na TVG2.
