Modificacións no regulamento de Grappling

A Federación Española  realizou recentemente cambios no regulamento da disciplina asociada de Grappling. 

A Federación Española expón o seguinte:

” La Federación Internacional de Lucha (FILA) ha modificado los pesos de todas las categorías en el reglamento de Lucha Grappling, por lo que esta Federación modifica asimismo los pesos en su Reglamento de Lucha Grappling para el año 2010; Las novedades más importantes en el Reglamento de Grappling son las siguientes:
-
Categorías de peso:
Hombres 60-65-70-75-80-85-90-110 y absoluto
Mujeres 50-55-60-65-75 y absoluto
-
 .- Los saltos a guardia puntúan -1 pero el combate continua, no se para.
 .- En las técnicas saltadas si se falla no hay punto para nadie (no es considerado un salto a guardia) y el combate continua en el suelo.
 .-Si te sientas y el oponente domina por arriba hay un punto para el dominante, si no hay control los luchadores vuelven a posición neutra.
 .-Jalón de cabeza o brazos y poner al oponente a cuatro con pase al lateral 1 punto.
 .-Inversión o raspado solo puntúan (1 punto) si se hacen desde un control dominante, cualquier otra inversión no puntúa
 .-Americana al pie es legal. “

Ademáis, tamén nos informa cunha circular dos cambios na liña de traballo de cara á alta competición no 2010.

Estos cambios podédelos consultar aquí.

Documentación, Novas |

Viaxe dos deportistas Galegos a Osetia (Rusia)

 

Os deportistas Galegos: Jose Cuba Vázquez (categoría sénior de 120 kg) e Jose Luis Puentes Seoane (categoría sénior de 84 kg), ambos do club de loita Vilalba (Lugo), partiron esta madrugada cara a Osetia do Norte, para comezar a súa preparación de cara a tempada 2010. Na base deportiva olímpica de Osetia, farán unha concentración xunto coa Selección Rusa de Loitas Olímpicas, do 14 o 28 de Xaneiro de 2010. Ámbos deportistas son os únicos estranxeiros participantes en esta concentración, grazas a mediación do Seleccionador Galego de Loitas Olímpicas Don Alexandre Kachelaev. Unha vez rematada a concentración, ambos deportistas partirán cara a cidade de Krasnaiarsk (no centro de Rusia), para participar no torneo internacional IVAN YARIGUIN (Golden Gran Prix, do 28 o 31 de Xaneiro de 2010), que é puntuable para a final da Copa do Mundo de Loita. Unha vez rematada a competición, quedarán concentrados durante unha semana na cidade de Krasnaiarsk.

 jose-cuba-azul

A principal dificultade para realizar este tipo de concentracións e competicións, son a difícil burocracia Rusa e a financiación. Neste último apartado, o Club de Loita Vilalba, aporta o 50% do total dos gastos da actividade e o outro 50% corre a cargo da Federación Galega de Loita e D.A. de este xeito podemos levar a cabo máis actividades e con maior número de deportistas.

A aposta por parte da Federación de traballar na liña de rendemento deportivo, invitando os clubs deportivos a que invirtan na formación dos seus mellores deportistas a nivel internacional, está a dar bos resultados, contando sempre coa implicación das administracións, que respaldan iniciativas como estas.

 

 

Competicións, Novas |

Calificacións do Curso de Monitor Nacional de Nivel I

Xa se poden consultar as calificacións do curso de monitor nacional de nivel I realizado a finais do ano pasado en Pontevedra na seguinte ligazón.

Felicidades a tódolos aprobados e perdón polo retraso na publicación das calificacións.

Cursos, Novas |

Subvencións de programas de apoio o deporte da Deputación da Coruña

Informamos a tódolos interesado que o 1 de febreiro remata o prazo para solicitar a subención de apoio o deporte da Deputación da Coruña. As bases da subención poden atoparse na páxina web da Deputación da Coruña no apartado de subencións. Podedes leer as bases da subención pinchando aquí e para informarse de como solicitala pincha aquí. Descargar os pdf´s necesarios para presenta-la nas seguintes duas ligazóns:

Axudas, Novas |

Escolas deportivas de Loitas Olímpicas en Ourense

 A próxima semana  darán comezo, na cidade de  Ourense, as Escolas Deportivas de Loitas Olímpicas, no pavillón Municipal dos Remedios. Tódolos martes e xoves, de 19:00 a 20:00, para os máis cativos (6 a 12 anos) e de 20:00 a 21:00, para os máis maiores (máis de12 anos), podedes disfrutar desta actividade gratuíta, dirixida por entrenadores nacionais de recoñecido prestixio como Jacobo Novoa (Campión de España de Loita Grecorromana).
Se tedes algunha dúbida podedes contactar coa Federación Galega de Loita no email info@fegaloita.org, ou directamente con Jacobo no telefono 650822519.
promo-20101

Novas |

Actualización do Reglamento Nacional de Loitas Olímpicas

Xa está dispoñible na páxina da Federación Española o reglamento nacional de loitas olímpicas actualizado. Podedes descargalo en formato pdf dende a páxina web da federación nacional pinchando aquí.

Documentación |

Cursos previstos pola Escola Galega do Deporte para 2010

A Escola Galega do Deporte comunicou estes días a intención de realizar cursos do Bloque Común para adestradores de nivel I, II e III.

Para máis información podedes ler a carta enviada pola Escola Galega do Deporte pinchando aquí.

Novas |

Data da publicación de notas do curso de entrenador Nacional nivel I

Notas próximo Luns

Comunícase a tódolos interesados que as notas do curso de entrenador Nacional de nivel I realizado recentemente en Pontevedra serán publicadas o próximo luns.
Ademáis, publicarase un listado dos clubes onde se poderán realizar as prácticas que complementan a formación deste curso.

Xa están dispoñibles as fotos tomadas durante as clases prácticas do curso pinchando aquì, ou accedendo á sección correspondente na galería fotográfica.

Novas |

Jose Cuba remata a súa participación no mundial senior en 11º posto

polonia-vs-turkia.jpg

polonia-vs-turkia.jpg
◄ Anterior
Imaxe 1 of 9

 No segundo día de celebración do mundial Senior 2009 (Herning -Dinamarca-), tivo lugar a disputa da categoría de menos de 120 kg estilo libre. O vilalbés José Cuba que representaba a España nesta categoría rematou en 11ª posición perdendo na repesca polas medallas ante o grego Ioannis Arzoumanidis aos puntos (6-2 e 2-0). O grego xa fora quen cortara o paso ás finais do galego nos pasados Xogos Mediterráneos de Pesscara.

Jose Cuba comezou o campionato librando a primeira ronda e vencendo depois en oitavos de final ao moldavo Andrei Podsevalnicov por superioridade técnica. En cuartos de final caeu ante o ruso Bylial Makhov que acabou por reeditar o seu título de campión do mundo na categoría. Perder ante un dos loitadores que chagaron á final, deulle o paso directo á repesca na loita polas preseas, e foi aquí onde acabou perdendo co representante grego que rematou o campionato co bronce.

Tras un ano case sen actividade por mor dunha grave lesión de xeonllo, o adestrador de José Cuba valora este resultado como moi positivo: “…Ainda que foi un ano moi duro, temos que ser conscientes de que José está a loitar ao mesmo nivel cos medallistas en mundiais e europeos; por detrás del na clasificación quedaron moitos olímpicos de países de primeiro nivel . Adestra nun pequeno club con moi poucos medios  e sen embargo está a plantar cara a loitadores de países onde a loita é o deporte nacional”.

O resto do equipo de estilo libre que acompañou a José Cuba tamén remataron a súa participación. Os baleares Francisco Sánchez en menos de 55 kg e Agustín Sánchez en menos de 66 kg remataron en 14º e 32º posición respectivamente, e o madrileño Javier Ramos en menos de 84 kg tras unha boa competición rematou en 17ºposto. España non tivo representación en menos de 74 kg e menos de 96 kg, nesta última debido a lesión do tamén vilalbés Nicolás Castro.

Hoxe remata a competición de libre olímpica coa categoría de menos de 74 kg, e de hoxe ate o Sábado 27 terán lugar as modalidades de loita feminina e loita grecorromana, onde tamén temos representación española.

Tedes toda información, clasificación e imaxes no seguinte enlace:  http://www.fila-wrestling.com/herning09/

Novas |

XORNADA TÉCNICA DE ACTUALIZACIÓN PARA ADESTRADORES DE LOITAS OLÍMPICAS

VENRES 2 DE OUTUBRO DE 2009 DE 16:30h. a 20:00 h

SALA DE LOITA DO CGTD DE PONTEVEDRA

Os adestradores de loitas olímpicas temos unha oportunidade única de actualizar os nosos coñecementos da man de dúas das figuras internacionais máis importantes no mundo da loita.

monteromini.jpgOs acerbaianos Namik Abdullaev (Campión Olímpico) e Arif Abdullaev (Campión do Mundo), impartirán unha xornada técnica de loitas olímpicas nas instalacións de loita do CGTD de Pontevedra o próximo Venres 2 de Outubro de 16:30 a 20:00 horas.

Ambolos dous adestradores forman parte do grupo de seleccionadores de Acerbaián das categorías Junior. Recordar que Acerbaian é a actual Campiona da Copa do Mundo, polo que será unha boa oportunidade de coñecer en profundidade as novidades técnicas que se están a dar no alto rendemento deportivo.

Ademais, os acerbaianos estarán acompañados de Alexander Katchalaev actual seleccionador galego que fará tamén de traducctor ao castelán e Alfredo Marcuño, director da ESGALO (Escola Galega de Adestradores de Loitas).

A participación é gratuíta e o prazo de inscrición remata o próximo Mércores 30 de Setembro. Poden participar tódolos adestradores que teñan licenza en vigor por calquera federación territorial de loita do estado español e de calquera disciplina deportiva asociada ás federacións de loitas olímpicas.

O límite de prazas é de 25, polo que terán prioridade as licenzas expedidas pola FGLeDA e pertencentes ás modalidades olímpicas.

As inscricións faranse por correo electrónico mediante o impreso adxunto para garantir o correcto orde de inscrición no caso de excederse o número de interesados.

Pincha no seguinte enlace para descargar o modelo de inscrición: Modelo de Inscrición

arif-adullaev.jpg

Arif Abdullaev:  foi campión do mundo de libre olímpica  no 2003 na categoría de menos de 60 kg. É licenciado en Educación Física na especialidade de  adestrador de loitas olímpicas e desempeña o seu cargo como selecionador Junior de Acerbaián. Varios dos seus alumnos son campións de europa e do mundo.

Esta é a segunda vez que visita Galicia e xa ten convidado a deportistas galegos a adestrar en Acerbaián. Eliseo Permuy e Luís Garnil prepararon a súa participación no mundial Junior en Acerbaián baixo o seu mando.

abdullaev_namik.jpgNamik Abdullaev: Campión Olímpico en Sidnei 2000 e Subcampión en Atlanta 96, tamén foi varia veces Campión de Europa e medallista nos mundiais.

Está considerado un dos mellores libristas da historia, e hai pouco, trala noticia da súa retirada deportiva,  recibiu os máis altos distintivos como deportista nunha homenaxe celebrada pola FILA e na que participaron os máis altos mandatarios do governo acerbaiano.

É a primeira vez que visita Galicia aínda que non será a derradeira xa que a súa amizade co Selecionador galego Alexander Katchalev xerminou un vinculo afectivo coa nosa terra.

Cursos, Novas |

« Entradas antigas